Dövlət Departamenti: ABŞ Ukraynada Rusiya ilə atəşkəslə bağlı danışıqlar aparmayıb

Poliqon xəbər verir ki, bu barədə Dövlət Departamentinin mətbuat xidmətindən Rusiyanın RBC Media Holdiqnqinə bildiriblər. Qeyd edək ki, bir gün əvvəl Reuters Agentliyi üç Rusiya rəsmisinə istinadən xəbər vermişdi ki, ABŞ Rusiyanın Ukraynada atəşkəslə bağlı təklifini rədd edib.

“Biz “Ukraynasız Ukrayna haqqında heç nə” prinsipinə sadiqik. Biz Ukraynanın ərazisini verməyə məcbur edilməsinin tərəfdarı olmazdıq. Rusiya düşünə bilər ki, bu müharibəyə son qoymağın yolu Vaşinqtondan keçir. Bu, əlbəttə ki, doğru deyil”, deyə Dövlət Departamentinin bəyanatında deyilir.

Dövlət Departamenti əlavə edib ki, Rusiya açıq şəkildə münaqişəyə son qoymaqda maraqlı siqnallar göndərib, lakin Rusiya hakimiyyətinin ilkin tələblərindən imtina ilə bağlı “istənilən danışıqlara girməyə” hazır olduğuna dair heç bir əlamət yoxdur.

Reuters mənbələrinin məlumatına görə, 2023-cü ildə prezident Vladimir Putin Yaxın Şərqdəki vasitəçilər vasitəsilə ABŞ-a Ukraynada atəşkəs rejimini müzakirə etməyə hazır olduğu mesajını çatdırıb. Eyni zamanda, Rusiya hərbi əməliyyatlar zamanı nəzarəti əldə etdiyi ərazilərin heç birini verməyə hazır olmayıb. Agentliyin həmsöhbətlərindən biri Amerika tərəfi ilə danışıqların iflasa uğradığını bildirib.

Poliqon.info