Deputat: "Leyla Yunus Müdafiə Nazirliyinə agent kimi göndərilmişdi"

PİA.AZ xəbər verir ki, bu sözləri Bütöv Azərbaycan Xalq Cəbhəsi Pariyasının (BAXCP) sədri, millət vəkili Qüdrət Həsənquliyev partiyanın mətbuat xidmətinə açıqlamasında deyib.

BAXCP sədri sözlərinə görə, Leyla Yunus həmin dövrdə Müdafiə Nazirliyinə işə də agent kimi göndərilmişdi və qəbul olunmuşdu: “Yoxsa adamdan soruşarlar ki, bir gün nə jurnalist, nə analitik fəaliyyətlə məşğul olmamış sən tarixçi və akademiyanın elmi işçisi hara, Müdafiə Nazirliyinin Mətbuat və Analitik Mərkəzi hara?!”.

Qüdrət Həsənquliyev Leyla Yunusun AXC-də təfriqəçiliyin əsasını ilk qoyanlardan biri olduğunu vurğulayıb:

“Onun AXC hakimiyyəti dövründə yaxınlıq etdiyi adamların kimliyinə baxsanız, onların hamısının agent olduğunu görəcəksiniz. İndi də eyni vəziyyət təkrarlanır. Onun bu sərsəmləmələrini yayan xanım da agentdir, özünə “Elçibəyçi” deyib, Rusiyanın Rüstəmi ilə, Qumun əl öpən məzunu ilə də əməkdaşlıq edib, müdrikcəsinə susan Milli Şura rəhbərləri də. Bu tipli adamlar müttəfiqlərini özləri seçmir.

Elçibəyin Heydər Əliyevi hakimiyyətə dəvət etməsinə gəldikdə isə, Elçibəyi yanındakı agentlərlə yanaşı, yaxın ətrafında olan çoxları, onu qorxudan satmışdı.Ölkə idarəolunmaz vəziyyətə gəlmişdi. Həmin dövrdə ölkəni fəkakətdən və məhv olmadan yalnız Heydər Əliyev bu agentləri zərərsizləşdirməklə xilas edə bilərdi. Xalqını özündən artıq sevən Elçibəy də bunu bildiyindən, onu Bakıya dəvət etdi və Leyla kimi cəsusların arzularını gözündə qoydu”.

pia.az