Daşkəsəndə qətl baş verib...
Daşkəsəndə baş verən qətlin təfərrüatı məlum olub.
Lent.az xəbər verir ki, Qabaqtəpə kənd sakinləri Məmməd və Elnur kirvəlikdən əlavə, həm də qonşu olublar. Məmmədin heyvanlarını Elnurun otlaq sahəsində otarması aralarında münaqişəyə səbəb olub. Tərəflər bir-birini təhqir ediblər, nəticədə Elnur Məmmədi bıçaqlayaraq öldürüb.
***
Bu barədə Poliqon-a Daxili İşlər Nazirliyinin Mətbuat Xidmətinin regional qrupundan məlumat verilib.
Bildirilib ki, avqustun 16-da saat 12:30 radələrində Daşkəsən rayonunun Qabaqtəpə kəndində 1969-cu il təvəllüdlü Əmrahov Məmməd Malik oğlunun kəsilmiş-deşilmiş xəsarətlərdən ölməsi barədə polisə məlumat daxil olub.
Cinayət əməlini törətməkdə şübhəli bilinən 2005-ci il təvəllüdlü Quliyev Elnur Şahid oğlu könüllü polisə gələrək təslim olub.
Hadisə şəxsi münasibətlər zəminində olub, onlar qonşu olublar.
Faktla bağlı araşdırma aparılır.
Poliqon.info