Çində alkoqoldan çip vasitəsi ilə müalicənin sınağı keçirilib...

Poliqon xəbər verir ki, bu barədə Qazaxıstanın Zakon.kz portalı məlumat yayıb. Portal yazır ki, Çində spirtli içki asılılığı olan 36 yaşlı kişiyə alkoqol həvəsini aradan qaldırmaq üçün hazırlanmış çip ilk dəfə cərrahi yolla implantasiya edilib.

Aprelin 12-də Liu klinik sınaq çərçivəsində beş dəqiqəlik prosedurdan keçib. Sınaq əməliyyatına BMT-nin Beynəlxalq Narkotiklərə Nəzarət Şurasının keçmiş vitse-prezidenti Hao Vey rəhbərlik edir.

İmplantasiya edilmiş çip Liuya 5 ay ərzində içkiyə olan həvəsini aradan qaldırmağa kömək etməlidir. Çip residivin qarşısını almaq üçün asılılığın müalicəsində istifadə edilən naltreksonu buraxır. Naltrekson bədən tərəfindən sorulur və beyindəki reseptorlara təsir göstərir.

Liu 15 ildir spirtli içki aludəçisidir. Orta hesabla gündə bir şüşə Çin içkisi içirdi. Bu vəziyyətdə kişi tez-tez aqressiyaya düşür. Bildirilir ki, onun günü adətən belə olub: səhər yeməyindən əvvəl bir şüşə içki içib, gün ərzində işdə, sonra isə axşam huşunu itirənə qədər içməyə davam edir.

Poliqon.info