Çin XİN ABŞ-dan Rusiya ilə münasibətlərə müdaxilə etməməyi tələb edib

Poliqon xəbər verir ki, bunu Çin Xarici İşlər Nazirliyinin sözçüsü Mao Nin bildirib.

Sözçü Pekinin Moskvaya hərbi yardım göstərməsindən şübhələnən Vaşinqtonun narazılığını belə şərh edib.

"ABŞ-ın Rusiya-Çin münasibətləri və ya Rusiyanı dəstəkləməsi ilə bağlı nəyə inandığına gəlincə, vurğulanmalıdır ki, aidiyyəti ölkə Çin və Rusiya arasında normal dövlətlərarası münasibətləri ləkələməməli və ya onlara hücum etməməlidir", deyə diplomat brifinqdə qeyd edib.

Ötən həftə sonu ABŞ-ın maliyyə naziri Cennet Yellen Quançjouda Çin baş nazirinin müavini He Lifeng ilə görüşüb. Yellen deyib ki, əgər Çin biznesinin Ukrayna ilə münaqişəsində Rusiyaya dəstək verdiyi ortaya çıxarsa, Çin ciddi nəticələrlə üzləşəcək.

Bundan əvvəl məlum olub ki, ABŞ müttəfiqlərinə Çinin Ukraynadakı münaqişədə Rusiyaya dəstəyini artırdığı, o cümlədən hərbi hədəflərə dair məlumatları peyk kəşfiyyatı ilə təmin etdiyi barədə xəbərdarlıq edib. Bundan əlavə, Çin Rusiyaya mikroelektronika, tank istehsalı üçün maşınlar, optika və raket yanacağı verir. Ölkələr kosmos sahəsində də əməkdaşlığı gücləndiriblər.

Poliqon.info