Çin vətəndaşları turist adı altında 100 dəfədən çox ABŞ hərbi bazalarına giriblər…

Poliqon xəbər verir ki, bu barədə Wall Street Journal qəzeti bu hadisələri potensial casusluq təhlükəsi kimi qiymətləndirən ABŞ rəsmilərinə istinadən yazıb.

Qəzet qeyd edir ki, Çinin bu addımı bu cür obyektlərdə təhlükəsizliyin təmin edilməsi üsullarını sınaqdan keçirmək məqsədilə həyata keçirilə bilər. Rəsmilərin sözlərinə görə, bazaların ərazisinə daxil olan Çin vətəndaşları Pekində hakimiyyət orqanlarına casusluq etməyə məcbur olurlar.

Çinin Vaşinqtondakı səfirliyinin sözçüsü Liu Penqyu qəzetə deyib ki, Çinin casusluğu ilə bağlı iddialar qərəzli uydurmadır.

Qeyd edək ki, bundan əvvəl ABŞ Hərbi Dəniz Qüvvələrinin iki üzvü Çinin xeyrinə casusluqda şübhəli bilinərək saxlanılıb. Həbs edilənlərdən biri, 22 yaşlı dənizçi ABŞ-ın milli təhlükəsizlik məxfi məlumatlarını Çinə ötürməkdə şübhəli bilinir. İkinci əsgər vətənə xəyanətdə və Çin rəsmilərindən rüşvət almaqda ittiham olunur.

Poliqon.info