Cəlilabadda iki minik avtomobili toqquşub

Cəlilabad rayonunda yol qəzası baş verib.

“Report” xəbər verir ki, hadisə Cəlilabad şəhərinin mərkəzi küçələrindən birində qeydə alınıb.

Belə ki, yol qəzası zamanı “VAZ 2107” markalı minik avtomobili ilə “VAZ 21099” markalı minik avtomobili toqquşub.

Qəza nəticəsində xəsarət alan olmasa da, avtomobillərə ciddi ziyan dəyib.

Faktla bağlı araşdırma aparılır.

pia.az