İlin əvvəlində Budanov Ukraynanın 2023-cü ilin sonuna qədər müharibəni bitirə biləcəyini proqnozlaşdırmışdı...
"Ukrayna qrafikdən geri qalır, ona görə də 2023-cü ildə müharibəni bitirmək şansı xeyli azalıb. Cəbhənin bütün sahələrində şiddətli döyüşlər gedir, eyni zamanda Müdafiə Qüvvələri bütün əraziləri işğaldan azad etmək üçün bütün səylərini əsirgəmir".
Poliqion xəbər verir ki, bunu Ukrayna Baş Kəşfiyyat İdarəsinin rəhbəri Kirill Budanov “Ukrayinska Pravda”ya müsahibəsində bildirib.
İlin əvvəlində Budanov Ukraynanın 2023-cü ilin sonuna qədər müharibəni bitirə biləcəyini proqnozlaşdırsa da, indi bəyanatlarında daha diqqətli davranıb. O qeyd edib ki, döyüş meydanındakı vəziyyətə müxtəlif səbəblər - obyektiv və subyektiv səbəblər təsir edib, lakin bununla bağlı verilən izahatların əksəriyyəti dövlət sirri təşkil edir və ictimai müzakirə üçün deyil.
O qeyd edib ki, Ukrayna qrafikdən geri qalıb: "Biz geri qalmırıq, amma geridəyik. Bu, tamamilə fərqli bir şərhdir". Eyni zamanda, Budanov əlavə edib ki, bu, "hər şeyin yolunda getmədiyi" demək deyil və hər kəs öz nəticəsini çıxarmalıdır.
Budanov cəbhədəki vəziyyəti də şərh edib. Onun sözlərinə görə, cənubda hücum əməliyyatı davam edir, Baxmutun qaytarılması ilə bağlı da "güclü hadisələr" baş verir, şiddətli döyüşlər gedir. Müdafiə Qüvvələri yavaş-yavaş, addım-addım irəliləyir.
Budanov ilin sonuna kimi Baxmutun işğaldan azad edilməsinin mümkün olacağına da ümid etdiyini bildirib.
Poliqon.info
Digərxəbərlər
Populyar xəbərlər
