Braziliya prezidenti Lula da Silva ölkənin İsraildəki səfirini geri çağırıb...
Bir gün əvvəl İsrail Xarici İşlər Nazirliyi Braziliya liderini persona non qrata elan edib. Bunun fonunda Braziliya Xarici İşlər Nazirliyi İsrail səfiri Daniel Zonşeyni çağırıb.
Poliqon xəbər verir ki, bu barədə BDF məlumat yayıb. Nəşrin məlumatına görə, Lula da Silva əlavə məsləhətləşmələr üçün Tel-Əvivdəki səfirin geri çağırılmasını əmr edib.
Fevralın 18-də jurnalistlərlə söhbətində Lula da Silva bildirib ki, Qəzza zolağında müharibə hərbiçilər arasında deyil, “yaxşı təlim keçmiş ordu, qadınlar və uşaqlar” arasında gedir. O, Qəzzada gedən döyüşləri və ortada olan nəticələri Holokostla müqayisə edib.
Bunun ardınca İsrailin xarici işlər naziri İsrael Katç Braziliya səfirini çağıraraq, Lula da Silvanın üzr istəyənə və sözlərindən geri çəkilənə qədər persona non-qrata elan edildiyini çatdırıb. Nazirin sözlərinə görə, Qəzza zolağında İsrail hərbi əməliyyatı ilə Hitlerin hərəkətlərini müqayisə etmək Holokost qurbanlarının xatirəsini ləkələyən ciddi antisemitizm hücumudur.
Poliqon.info