Bloomberg: Fermerlərin etirazları ABŞ-da Trampı və Avropada isə ifrat sağçıları hakimiyyətə gətirəcək...

Poliqon xəbər verir ki, bu barədə Bloomberg Agentliyinin araşdırma məqaləsində bildirilir. Məqalədə qeyd olunur ki, hazırkı hakimiyyətlər etirazları dayandırmağa uğursuz cəhd göstərsə də, onların rəqibləri ABŞ-da Donald Trampdan tutmuş Avropa Birliyində ifrat sağçı qüvvələrə qədər fermerlərə dəstəyini alır.

Bloomberg-ə görə, kənd təsərrüfatı pul, qida və iqlim dəyişikliyi üzərində daha geniş mədəniyyət müharibəsi gedir və Avfropa bu savaşın əsas döyüş meydanına çevrilib. Fransız politoloq Kris Heqadorn Agentliyə bildirib ki, hökumətlər sağlam, davamlı qida istehsalına çətin, lakin zəruri keçidlə üzləşirlər.

Fermerlər qorxurlar ki, bir çox ölkələrdə hökumətlər tərəfindən irəli sürülən yaşıl siyasətlər aşağı məhsuldarlığa və gəlirlərə gətirib çıxaracaq, çünki kənd təsərrüfatı istixana qazı emissiyalarının onda birindən çoxunun mənbəyidir və hökumətlər bu emissiyaları azaltmağa çalışır.

Bununla belə, hazırkı hökumətlərin ekologiya problemlərini həll edtmə axtarışları onları iflasa uğrada bilər və fermerlərin tələblərinə məhəl qoymasalar, qarşıdan gələn seçkilərdə sağçılar və avroskeptiklər qalib gələcəklər.

2024-cü ilin əvvəlində Fransa, Almaniya, İtaliya, İspaniya, Portuqaliya, Polşa və digər ölkələrdə Aİ-nin kənd təsərrüfatı siyasətindən narazı olan fermerlərin etirazları keçirilir. Fermerlər, digər şeylər arasında, artan dizel qiymətlərinə, AB-nin yeni yaşıl qaydalarına və bazarlarını sulandıran idxala qarşıdırlar.

Fermerlər dövlət müəssisələrinin qarşısındakı əraziləri peyinlə doldururlar və yanvarın sonunda fransız fermerlər Parisə gedən yolları bağlayaraq İl-de-Frans bölgəsini blokadasını elan etdilər.

Poliqon.info