Türkiyədən Rusiyaya ixrac ödənişlərlə bağlı problemlər səbəbindən birinci rübdə 32% azalıb...
Qərbin sanksiyalar siyasəti və pul köçürmələri ilə bağlı problemlər səbəbindən Türkiyədən Rusiyaya ixrac 2023-cü ilə nisbətən birinci rübdə 32,1% azalıb.
Poliqon xəbər verir ki, bu barədə Türkiyənin “Ekonomim” biznes qəzeti Milli Statistika İnstitutunun məlumatlarına istinadən məlumat yayıb.
Yanvar-mart aylarında Türkiyənin 25 sənaye sahəsindən yalnız 4-ü Rusiyaya ixracı artırıb, tədarükün əhəmiyyətli hissəsini təşkil edən kimya sənayesində itkilər 32,4%-ə çatıb. Nəşr qeyd edir ki, Türkiyə İxracatçılar Məclisinin məlumatına görə, ixracda əsas azalma üç sektorda müşahidə olunub: tütün, dəri məmulatları və zərgərlik.
Statistikaya görə təkcə mart ayında Türkiyədən Rusiyaya ixrac bir il əvvəlki ilə müqayisədə 28% azalaraq və 758 milyon dollar təşkil edib. Ümumilikdə, birinci rübün nəticələrinə görə, Rusiyaya ixrac ötən ilin eyni dövrü ilə müqayisədə 2,1 milyard dollar təşkil edib. 2023-cü ilin yanvar-mart aylarında bu göstərici 3,1 milyard dollar olub.
“Ekonomim” Rusiya ilə yanaşı, Türkiyənin MDB ölkələrinə ixracında azalma olduğunu yazır. Birinci rübdə MDB ölkələrinə ixracda azalma 14% təşkil edib.
Poliqon.info