Ermənistanın Baş naziri Ali Baş Komandanı olduğu ordunun yüksək rütbəli zabitlərini xəyanətdə günahlandırıb…
Poliqon erməni mətbuatına əsasən xəbər verir ki, Ermənistanın Baş naziri Nikol Paşinyan yüksək rütbəli ordu zabitlərinin döyüş prosesində tabeçiliyində olan hərbiçilərə mövqeləri tərk etmək barədə əmrlər verdiklərini bildirib.
Paşinyan qeyd edib ki, Ermənistan ordusunun bəzi yüksək rütbəli zabitləri döyüş bölgələrində çaxnaşmalar yaradır, döyüşlər zamanı əsgərlərə mövqelərini təslim etməyi əmr edirlərb və bunula bağlı cinayət işləri açılıb.
“Bəlkə onlar başqa ölkələrin agentləridir? Bəlkə onları satın alıblar? Bu rəsmi təsdiqlənmiş nəticə deyil, mənim mənim şəxsi fikrimdir və məntiqi olaraq bu belə görünür”, deyə Paşinyan bildirib.
Ermənistan Baş naziri hərbiçilərinə öz mövqelərini tərk etmək haqqında heç bir əmr vermədiyini bildirib və qeyd edib ki, bu zaman mövqeləri təslim etmək barədə əmr verən zabitlərin bu əmri kimdən aldıqlarını da bilmir.
“Onlar döyüş prosesində mövqeləri təslim etmək haqqında yuxarıdan əmr almalıydılar, amma mən belə bir əmr verməmişəm. Ona görə də görünür ki, onlar üçün başqa bir “yuxarı” da var, oradan da sifariş alıllar”, deyə Ermənistanın Baş naziri vurğulayıb.
Poliqon.info