Belarusu qarışdırmaq istəyən “vaqnerçilər” Ukraynaya verilə bilər

Aleksandr Lukaşenko Rusiya və Ukrayna baş prokurorlarını ölkəyə çağırır

Belraus prezidenti Aleksandr Lukaşenko ölkədə tutulan “Vaqner” özəl hərbi şirkətinin muzdluları ilə bağlı yaraan vəziyyətə aydınlıq gətirilməsi üçün Rusiya və Ukrayna baş prokurorlarını Minskə dəvət edib.

Musavat.com xəbər verir ki, bu barədə “BELTA” agentliyi məlumat yayıb.

Seçkilərin təhlükəsizliyinin təmin edilməsi ilə bağlı dövlət iclasında danışan A. Lukaşenko bununla bağlı ciddi addımalar atılacağını deyib.

“İndi bu “33 bahadır”la əlaqədar başqa söz-söhbətdən qaçmaq üçün mən bu dəvəti etdi. Biz dünən Ukrayna prezidenti Vladimir Zelenski ilə məsələni ətraflı müzakirə etdik. Mənim mövqeyim bəllidir. Bu adamlar Belarus ərazisində qanunları pozublar və buna görə məsuliyyət daşıyırlar. Hər halda siz baş prokurorlar olaraq, üçünüz bu məsələləri müzakirə edəcəksiniz”,-deyə o, Belarusun baş prokuroru Aleksandr Konyuka tapşırıq verib.

Maraqlıdır ki, Aleksandr Lukaşenko Ukraynanın populyar jurnalisti Dmtri Qordonla söhbətində həmin döyüşçülərin Belarusdan ekstradisya oluna biləcəyini deyib.

D.Qordonun sözlərinə görə, Vladimir Zelenski belaruslu həmkarı ilə danışığında ondan tutulanların arasında vaxtilə Donbas ərazisində Ukrayna dövlətinə qarşı savaşan muzdluların rəsmi Kiyevə verilməsini istəyib. Aleksandr Lukaeşnko buna “yaşıl işıq yandırıb” və “vaqnerçilər”in həm Ukraynaya, həm də Rusiyaya təhvil veriləcəyini qeyd edib.