Belarus Azərbycanla küsülülük üzərində münasibətlər qurmur

Bu fikirləri Azərbaycanın KTMT-yə və Şanxay Əməkdaşlıq Təşkilatına mümkün üzvlüyünü şərh edərkən Belarus parlamentinin deputatı Valeri Borodenya virtualaz.org-a bildirib.

Bununla birlikdə, Borodenyanın fikrincə, müasir dünyada qapanmaqdansa açılmaq yaxşıdır, inteqrasiya prosesləri isə məhz ölkələrin açılmasına xidmət edir. İstənilən halda, Azərbaycan özünün suveren seçimini etməlidir.

Belaruslu ekspert hesab edir ki, Ermənistan, əlbəttə, Azərbaycanın KTMT-yə üzvlüyünə veto qoya bilər, lakin bu ona heç nə verməyəcək.

Valeri Borodenya

“Ölkələrin ümumi dil tapması zəruridir, KTMT isə məhz Bakı ilə Yerevanın ortaq kəsişmə nöqtələri tapması üçün meydança ola bilər. Xarici əlaqələrin inkarı yaxşı heç nə vəd etmir, bir-birinə doğru hərəkət etmək, ümumi dil tapmaq lazımdır. Axı Azərbaycan və Ermənistan MDB PA-da bir-biri ilə gözəl münasibətlər qururlar, mən orada görməmişəm ki, bu ölkələr bir-birini sərt şəkildə əngəlləsin, hətta birgə işləyirlər. Birləşdirən dəyərlər üzərində işləmək lazımdır, ayıran yox.

Bizdə də çoxları deyir ki, Rusiya ilə inteqrasiya proseslərinə gedərək Belarus guya suverenliyini itirir. Eyni zamanda, siz bizim prezidentin kiməsə Belarusun maraqlarını güzəştə getdiyini görmüsünüzmü? Hər şey ölkələrdən və onların hansı siyasəti aparmasından asılıdır. Azərbaycan özünə yetərli ölkədir və özünü tamamilə qoruya bilər”, - V.Borodenya əminliyini bildirib.

O ki qaldı Bakıya silah satışı ilə bağlı Ermənistanın narazılığına, belaruslu deputat vurğulayır ki, Minsk öz siyasətini praqmatizm prinsipləri əsasında qurur.

“Bizim üçün Azərbaycana silah satışı sərfəlidir və biz bundan mənfəət götürürük. Siyasəti küskünlük üzərində qurmaq olmaz. Bəli, biz Yerevanla bir bloka daxilik, lakin Bakı da bizim üçün qiymətli tərəfdaşdır. Belarus özünün bütün tərəfdaşlarının maraqlarını nəzərə alır”, - Borodenya bildirib.

pia.az