ABŞ-ın İsrail və Ukraynadakı münaqişələrə təsiri göründüyündən daha məhduddur...
Vaşinqtonun İsrail və Ukraynadakı münaqişələrə təsiri ABŞ-ın silah təchizatçısı kimi mərkəzi roluna görə göründüyündən daha məhduddur.
Poliqon xəbər verir ki, bu barədəThe New York Times qəzeti yazır.
Nəşrin məlumatına görə, Bayden iki beynəlxalq münaqişədə öz təsirinin hüdudları ilə üzləşib. Bir tərəfdən, İsrailin Baş naziri Benyamin Netanyahunun Qəzzada humanitar məqsədlərlə hərbi əməliyyatları dayandırmaqdan imtinası səbəbindən, digər tərəfdən, Ukraynadakı “dalan vəziyyət” səbəbindən Baydenin vəziyyəti heç də ürəkaçan deyil.
“ABŞ prezidentlərinin İsrail üzərində düşündükləri qədər təsir rıçaqlarının olmadığını göstərən uzun bir tarix var”, deyə konqresmen Set Moulton NYR-yə deyib. Onun sözlərinə görə, eyni şey Ukraynaya da aiddir.
Bununla belə, Milli Təhlükəsizlik Müşavirinin müavini Con Fayner NYT-yə bildirib ki, ABŞ öz təsirindən sakitcə istifadə edir.
“Biz hər hansı bir ölkəyə, o cümlədən İsrailə yardım ötürdükdə silahlı münaqişə qanunlarına uyğun təminatlar yaradırıq. Bizi narahat edən halları görəndə, münaqişə inkişaf etdikcə onları birbaşa İsrail hökuməti ilə müzakirə edirik”. Deyə Fayner bildirib.
Poliqon.info