Ukrayna şübhəsiz NATO-ya daxil olacaq, lakin onun daxil olması məsələsinə Rusiya ilə hərbi əməliyyatlarda qalib gəldikdən sonra baxılacaq...
Poliqon xəbər verir ki, bunu ABŞ prezidenti Co Bayden Ukrayna prezidenti Vladimir Zelenski ilə danışıqlardan sonra mətbuat konfrasında deyib. Baydenin sözlərinə görə, Ukraynanın alyansa inteqrasiyası ilə bağlı söhbət indi aktual deyil, çünki bütün diqqət münaqişənin özünə yönəlməlidir.
“Şübhəsiz ki, NATO Ukraynanın gələcəyində olacaq. Amma Vilnüsdə dediyimiz kimi, bütün müttəfiqlər razılaşdıqda və şərtlər yerinə yetirildikdə Ukrayna NATO-ya üzv olacaq. İndi biz Ukraynanın müharibədə qalib gələcəyinə əmin olmalıyıq”, deyə Amerika prezidenti Vladimir Zelenski ilə görüşündən sonra mətbuat konfransı zamanı deyib.
Qeyd edək ki, Ukrayna 2022-ci ilin sentyabrında NATO-ya üzv olmaq üçün müraciət edib. İyulda Vilnüsdə keçirilən alyans sammitindən sonra bunun üçün lazımi şərtlər yerinə yetirildikdə ölkənin NATO-ya daxil olması qərara alınıb.
Poliqon.info