Bayden nəxfi sənədləri saxlaması ilə bağlı ifadə verib

Poliqon Associated Press Agentliyinə istinadən xəbər verir ki. bu barədə Ağ Ev Müşavirliyinin sözçüsü Yan Sams bildirib. Sorğu bazar və bazar ertəsi keçirilib.

“Əvvəldən qeyd etdiyimiz kimi, Prezident və Ağ Ev təhqiqatla əməkdaşlıq edir və araşdırmanın bütövlüyünü qorumaq üçün maksimum şəffaflığı qoruyaraq yenilikləri ictimaiyyətə təqdim etmələri gözlənilir” deyə Sams bildirib.

Ağ Ev nümayəndəsi digər sualları da Ədliyyə Nazirliyinə ünvanlamağı xahiş edib. İşi xüsusi prokuror Robert Huhr araşdırır.

Xatırladaq ki, 2022-ci ilin noyabrında hazırkı ABŞ prezidenti ilə əlaqəli analitik mərkəz olan Penn Bayden Mərkəzində keçmiş ABŞ prezidenti Barak Obamanın administrasiyasında işlədiyi vaxta aid məxfi sənədlər tapılıb. Qanuna görə, Bayden Barak Obamanın administrasiyası dəyişdikdən sonra onları Milli Arxivə təhvil verməli idi. Sənədlərin aşkarlanması yalnız 2023-cü ildə məlum olub. Yanvar ayında Co Baydenin Wilmingtondakı evində də məxfi sənədlər tapılıb.

Qeyd edək ki, daha əvvəl ABŞ-ın keçmiş prezidenti Donald Tramp və keçmiş vitse-prezident Mayk Pensdən gizli sənədlər tapılmışdı.

AP-ninqeyd edir ki, ABŞ prezidentinin iş üzrə ifadə verməsi presedent deyil. Daha əvvəl ifadələr, məsələn, Corc Buş və Bill Klinton tərəfindən belə ifadələr verilib. Onlar Donald Trampdan da müsahibə götürmək istəyiblər, lakin onun vəkilləri əvəzinə yazılı cavablar göndəriblər.

Poliqon.info