Azərbaycanda 15 yaşlı qız erkən nikahın qurbanı olub - Yenilənib  

Məsələ ilə bağlı Oxu.Az-a Daxili İşlər Nazirliyinin (DİN) Mətbuat Xidmətinin əməkdaşı, polis kapitanı Nurlan Əliyev bildirib ki, Suraxanı RPİ nin 31-ci Polis Bölməsində təhqiqat araşdırması aparılır.

Yetkinlik yaşına çatmayan şəxs sığınacağa yerləşdirilib.

Xəsarətlərın dərəcəsini müəyyən etmək məqsədilə müvafiq ekspertiza təyin olunub.

Araşdırmanın nəticəsindən asılı olaraq əmələ hüquqi qiymət veriləcək.

***

Azərbaycanda 15 yaşlı qıza fiziki zorakılıq edilib. 

Oxu.Az-ın məlumatına görə, bu barədə Azərbaycan Uşaqlar Birliyinin sədri Kəmalə Ağazadə sosial şəbəkə hesabında paylaşıb.

O qeyd edib ki, həmin qız erkən nikahın qurbanı olub.

Daxili İşlər Nazirliyinin Mətbuat Xidmətinin əməkdaşı, polis kapitanı Nurlan Əliyev Oxu.Az-ın sorğusuna cavab olaraq bildirib ki, məsələ barədə araşdırma başlanılıb:

“Əlavə məlumat veriləcək”.

Poliqon.info