Hindistanın populyar kütləvi nəşri Azərbaycanın hindlilər üçün yeni maraq dairəsi olduğunu yazıb...
“Şengen zonasına daxil deyil, 5 saatlıq uçuş məsafəsindədir: O zaman niyə Azərbaycan Hindistan pasportunu daşıyan şəxslər arasında hitdir?”.
Poliqon xəbər verir ki, Azərbaycanla bağlı dərc etdiyi məqaləyə “India Today” nəşru bu sualla başlayır.
“Azərbaycan indi Hindistan pasportu sahibləri üçün Avropaya alternativə çevrilir”, deyə nəşr yazır və davam edir:
“Son zamanlar sosial media, xüsusən də Instagram səyahət planlarımızın formalaşmasında əsas təsir alətinə çevrilib. İstər Yaponiyadakı albalı çiçəkləri, istərsə də Qazaxıstanın mənzərəli gözəlliyi olsun, Instagram kimi platformalar nəinki dünyanı araşdırmaq istəyimizi alovlandırır, həm də bizi növbəti səyahətimizi sifariş etməyə sövq edir. Buradna görünür ki, indi də deyəsən, hindlilər gözlərini yeni arzuladıqları yerə - Azərbaycana dikiblər.
Nəşr oxucularına məlumat verir ki, Azərbaycan Avrasiyanın Cənubi Qafqaz regionunda yerləşir.
Məqalədə qeyd edilir ki, son illər Azərbaycanın paytaxtı Bakı şəhərinin adının internet axtarışlarında 438% artım olduğu qeydə alınıb. Ucuz aviabiletlərdən tutmuş, asan əldə edilən vizalara kimi amillər Azərbaycanla bağlı ajiotajın yaranmasına səbəb olur.
Poliqon.info