Avropanın qaz anbarları ilin əvvəlinə 80%-dən çox doludur…

Avropa İttifaqı Komissiyasının nümayəndəsi Makfi qaz anbarlarının ilin əvvəlinə 83% dolu olduğunu bildirib.

PİA.az ABC News nəşrinə istinadən xəbər verir ki, Avropa İttifaqı Komissiyasının sözçüsü Tim Makfi Brüsseldə keçirdiyi brifinqdə Aİ-də qaz anbarlarının 2023-cü ilin yanvar ayının əvvəlinə 80%-dən çox dolu olduğunu bildirib. Makfi qeyd edib ki, havaların isti keçməsi ilə əlaqədar avropalılar arasında yanacağa tələbat xeyli azalıb.

“İndi dəqiq rəqəmlərim yoxdur, ilin əvvəlindəki sonuncu rəqəm 83% idi. Bu, ilin bu dövrü üçün çox yaxşı göstəricidir”, deyə Aİ Komissiyasını sözcüsü bildirib.

ABC News yazır ki, hazırda Aİ-yə tədarük olunan yanacağın ümumi həcminin yalnız 9%-i Rusiyanın payına düşür.

Rusiyanın Ukraynaya təcavüzü səbəbinndən qış qıtlığından qorxan Aİ-nin 27 ölkəsi ötən il ehtiyatını artıqrmağa çalışırdılar. Bəziləri hesab edirdilr ki, Rusiyadan nəql edilən qazın kəskin azaldılması fonunda Avropa ölkələrində qaz qıtlığı iqtisadi və sosial problemlərə yol aça bilərdi. Lakin bu baş vermədi və hazırda Avropada qazın qiyməti kəskin ucuzlaşıb.

Avropa anbarlarında yanacaq ehtiyatları dekabrın 31-dən yanvarın 1-nə keçən gücə 83,3%-ə yüksəlib ki, bu da beş illik orta göstəricidən 13,4% çoxdur.

pia.az