Avropa Birliyinin Ermənistandakı müşahidəçi missiyasının mandatı bu həftə başa çatır…
Avropa Birliyinin Ermənistan sərhədində fəaliyyət göstərən müşahidəçi missiyasının mandatı uzadılmayacaq.
PİA.az xarici mətbuata istinadən xəbər verir ki, bu barədə Avropa İttifaqının (Aİ) Xarici İşlər və Təhlükəsizlik Siyasəti üzrə komissarı Jozep Borrel məlumat verib.
Borrel bildirib ki, Avropa Birliyinin Ermənistandakı müşahidəçi missiyasının mandatı bu həftə başa çatır və mandat uzadılmayacaq.
Qeyd edək ki, Ermənistan müşahidəçi missiyanın mandatının uzadılması ilə bağlı Avropa İttifaqına müraciət etmişdi.
Avropa Birliyinin Ermənistana müşahidəçi missiyasının göndərilməsi ilə bağlı qərar Avropa İttifaqı Şurasının Prezidenti Şarl Mişelin və Fransa prezidenti Emmanuel Makronun vasitəçiliyi ilə Azərbaycan və Ermənistan liderlərinin Praqada keçirilən sonuncu görüşündə verilmişdi. Missiya iki ay müddətinə nəzərdə tutulurdu.
Azərbaycan missiyanın uzadılmasına qarşı çıxır.
pia.az