ABŞ-da casusluqda ittiham olunan “WikiLeaks” portalının təsisçisi Culian Assanj Ekvadorun Londondakı səfirliyində siyasi sığınacaqda olan müddətdə iki dəfə ata olub...
PİA.az xəbər verir ki, bu barədə “DailyMail” yazır.
“Oğlanların anası, 37 yaşlı vəkil Stella Maris beş il əvvəl ABŞ-da ekstradisiyaya qarşı məhkəmə proseslərində Assanja kömək edərkən, ona vurulub”, – deyə materialda bildirilir.
Nəşrin məlumatına əsasən, uşaqlardan böyüyün adı Qabrieldir və hazırda onun iki yaşı var. Kiçiyinin adı isə Maksdır, o, 2019-cu ilin fevral ayında dünyaya gəlib.
Qeyd olunur ki, onların mövcudluğu barədə məlumat Assanjın həbsxanadan girov müqabilində çıxmasına nail olmaq üçün təqdim etdiyi məhkəmə sənədlərində aşkarlanıb.
Maraqlısı odur ki, Assanjın həbsdə olduğu bütün bu müddət ərzində, onun ata olması barədə heç bir məlumat sızmayıb. Bu fakt həm səfirliyin mühafizəsi, həm də ABŞ və Böyük Britaniyanın xüsusi xidmət orqanlarının nəzərindən qaçıb.
pia.az
Digərxəbərlər
Populyar xəbərlər
