ABŞ-da praymerizlərin bütövlüyünə, prezidentin seçilmə üsuluna və amerikalıların maraqlarını müdafiə edən partiyalara dair şübhələr səbəbindən siyasi sistemdən məyus olan vətəndaşların sayı artmaqdadır...
Poliqon xəbər verir ki, bunu Associated Press Agentliyinin keçirdiyi sorğunun nəticələri göstərir.
"ABŞ-da böyüklərin yarısından bi qədər az hissəsi - 46 faizi ölkə liderlərinin seçilmə üsulu ilə bağlı bədbin olduqlarını deyirlər", deyə nəşr qeyd edir.
Bundan əlavə, ABŞ-da yetkin insanların təxminən 1/4-i həm Demokratlar Partiyasının, həm də Respublikaçılar Partiyasının öz prezidentliyə namizədlərini ədalətli seçdiyinə "yalnız bir az" əmin olduqlarını və ya "heç də əmin olmadıqlarını" ifadə edirlər.
Materialda həmçinin qeyd olunur ki, respublikaçıların 1/3-i və müstəqil seçicilərin təxminən 45 faizi Respublikaçılar Partiyasının yanlış istiqamətdə getdiyinə inanır. Demokratların təxminən 1/4-i və müstəqil ABŞ seçicilərinin 41 faizi Demokratlar Partiyası haqqında eyni fikirdədir.
Sorğunun nəticələrinə əsasən, hər iki partiyanın tərəfdarları arasında irəli sürülən namizədlərlə bağlı narahatlıqlar artıb: Amerikalılar dövlət başçısı vəzifəsinə irəli sürülən şəxsin ümumi seçkilərdə qalib gələ biləcəyinə əmin deyillər.
"Bundan əlavə, hər iki tərəfdə yeni namizədlərin öz partiyalarının və ya bütövlükdə amerikalıların fikirlərini təmsil edəcəklərinə şübhə var", deyə agentlik yazır.
Poliqon.info