“Nə qədər yaxşı yaşasaq da, qəlbimizdə hər zaman bir qırıqlıq, gözükölgəliyimiz qalırdı. İnsanlığı olmayan, qaniçənlərin yanında başıaşağı olurduq. Onlar elə bir məxluq idi ki, öldürdükləri meyitdən də qisas alırdılar. 30 il bundan əvvəl yaşadığımız hadisələr, tökülən qanlar, qışqırtılar, ağlaşmalar, evlərin yandırıldığı xatirələrimizdə çox pis qalıb”.
Bunu “Report”un Kəlbəcərə ezam olunmuş müxbirinə açıqlamasında Ağdaban kənd sakini Qərənfil Bağırova bildirib.
Doğma yurduna 30 ildən sonra səfər edən Q.Bağırova Ağdabadan gənc yaşlarında çıxdığını deyib:
“Hər zaman ermənilərlə çəkişmələrimiz olub. İlk hadisələr Xocalıda, ikinci faciə isə Ağdabanda qeydə alındı. Səhər işə gedənə, qapıya çıxana atəş açdılar. Kimi qapıda gördülərsə öldürürdülər. Kəşfiyyatçı olan atam və qardaşımı erməni öldürüb. Bibimi və yoldaşını isə yandırıblar.
Heç vaxt düşünməzdim ki, uzun müddətdən sonra Ağdabana qayıdacam. Prezidentimiz İlham Əliyev hər zaman qürurla deyirdi ki, torpaqlar qayıdacaq. Qoca olduğum üçün ümidimi üzmüşdüm. Amma dövlət başçımız sağ olsun ki, bu həsrətimizə son qoydu. Bu günümüzə görə çox şükür edirəm. Sevincliyəm ki, doğma yurdumuza gəlmişəm, insanları gülərüz gördüm. Sanki yaramıza məlhəm qoyulub”.
pia.az
Digərxəbərlər
Populyar xəbərlər
