ABŞ Rusiya ilə Gürcüstan arasında uçuşların bərpası ilə əlaqədar əlavə tədbirlər görə bilər...
ABŞ Dövlət Departamentinin mətbuat katibinin müavini Vedant Patel bildirib ki, ABŞ Rusiya Federasiyası ilə Gürcüstan arasında uçuşların bərpası ilə bağlı əlavə addımlar ata bilər.
Poliqon xəbər verir ki, bunu Patel Vaşinqtonun Moskvanın müvafiq qərarı ilə bağlı əlavə sanksiyalar hazırlayıb-hazırlamaması ilə bağlı suala cavab olaraq qeyd edib.
“Rusiya ilə Gürcüstan arasında birbaşa uçuşlar olarsa, bu, təkcə ABŞ və digər Qərb ölkələrini deyil, həm də Gürcüstan hava limanlarında işləyən və təyyarələrə xidmət göstərən beynəlxalq şirkətləri narahat edəcək”, deyə Dövlət Departamentinin sözçüsü brifinq zamanı deyib..
Cənab Patel xatırladıb ki, Vaşinqton indiki məqamı Rusiya ilə qarşılıqlı əlaqələri gücləndirmək üçün yararsız hesab edir. “Biz vəziyyəti izləməyə və lazım gəldikdə əlavə addımlar atmağa davam edəcəyik. Hələlik elan edəcək heç nəyim yoxdur”, deyə Dövlət Departamentinin rəsmisi sözünü yekunlaşdırıb.
Qeyd edək ki, Gürcüstanın Rusiya aviasiya sənayesinə qarşı sanksiyalara ciddi əməl etməsi və Rusiya təyyarələrini öz ərazisinə buraxmaması zərurətini Aİ nümayəndəsi Peter Stano da bəyan edib.
Xatırladaq ki, Rusiya prezidenti Vladimir Putin mayın 10-da Rusiya aviaşirkətləri üçün Gürcüstana uçuşlara qoyulan qadağanı ləğv edib. Eyni zamanda, Rusiya Federasiyasının prezidenti Gürcüstan vətəndaşları üçün viza rejimini də ləğv edib. Gürcüstanın xarici işlər naziri İlya Darçiaşvili Rusiyanın vizaların ləğvi və uçuşların bərpası ilə bağlı qərarını dəstəkləyib.
Poliqon.info