Rusiyanın Ukraynaya raket zərbələrinin intensivliyinin artırılması qismən Ukraynanın hava hücumundan müdafiəsini məhv etmək məqsədi daşıyır…
“Ukraynadakı münaqişənin nəticəsi XXI əsrdə dünyada təhlükəsizlik vəziyyətini müəyyən edən amillərdən biri olacaq”.
PİA.az xəbr verir ki, belə bir açılama ilə ABŞ-ın müdafiə naziri Lloyd Ostin çıxış edib.
Pentaqon rəhbəri Rusiya Federasiyasının "təsirli silahlara" malik olduğunu açıq şəkildə etiraf edib və Ukraynanı "sərt qış"la qarşı-qarşıya qaldığını qeyd edib.
Müdafiə nazirinin siyasi məsələlər üzrə müşaviri Kolin Kal isə hesab edir ki, Rusiyanın Ukraynaya raket zərbələrinin intensivliyinin artırılması qismən Ukraynanın hava hücumundan müdafiəsini məhv etmək məqsədi daşıyır.
Reuters xəbər verir ki, Yaxın Şərqə səfərdə olan Pentaqon rəsmisi bildirib ki, Moskva bu yolla Ukraynanın hava hücumundan müdafiə sisteminin resurslarını tükətməyə çalışır:
“Onlar həqiqətən Ukraynanın hava hücumundan müdafiə sistemlərini həddən artıq yükləməyə və tükəndirməyə çalışırlar”, deyə Kolin Kal Yaxın Şərqə səfəri zamanı deyib.
“Rusiyanın qələbə nəzəriyyəsinin nə olduğunu bilirik və biz əminik ki, onların planı işləməyəcək. Ukraynalıların hava hücumundan müdafiə sistemlərini canlı saxlamaq üçün lazım olan hər şeyi alacağına da hamı əmin ola bilər. Çünki bizim Ukrayna qarşısında öhdəçiliyimiz var, deyə Pentaqon rəsmisi vurğulayıb.
pia.az