ABŞ Mərkəzi Komandanlığı (CENTCOM) Suriyada İŞİD-in yüksək rütbəli nümayəndəsinin öldürüldüyü barədə məlumat yayıb...
Poliqon xəbər verir ki, bu barədə ABŞ komandanlığının X sosial şəbəkəsində bildirilib.
“İyunun 16-da Mərkəzi Komandanlıq İŞİD-in yüksək rütbəli rəsmisi Usamə Camal Məhəmməd İbrahim əl-Cənabini Suriyada hava hücumu nəticəsində öldürüb”, deyə məlumatda bildirilir.
Departamentin fikrincə, təşkilat nümayəndəsinin ölümü təşkilatın özünü resurslarla təmin etmək və terror aktları törətmək imkanlarını sarsıdacaq. Hücum nəticəsində mülki əhali arasında itkilər barədə məlumat verilməyib.
CNN-in məlumatına görə, 2024-cü ilin yanvarından mart ayına qədər Suriyada qadağan olunmuş və terrorçu İD-nin yeddi rəhbər şəxsi məhv edilib. Daha 27 nəfər saxlanılıb. İraqda eyni dövrdə 11 yaraqlı öldürülüb; daha 36 nəfər saxlanılıb.
İyunun 16-da NBC telekanalı mənbələrə istinadən xəbər verib ki, mayın sonunda ABŞ Somalidə terrorçulara zərbə endirib. Telekanalın məlumatına görə, hücumun hədəfi İŞİD qolunun liderlərindən biri Abdulkadir Mömin olub.
Poliqon.info
Digərxəbərlər
Populyar xəbərlər
