ABŞ-ın dövlət borcu tarixdə ilk dəfə olaraq 33 trilyon dollar həddinə çatdı

Poliqon ABŞ Maliyyə Nazirliyinin məlumatına istinadən xəbər verir ki, dövlət borcu hazırda 33,044 trilyon dollar təşkil edir. Eyni zamanda, üç ay əvvəl dövlət borcunun həcmi 32 trilyon dollar həddini keçib.

The New York Times qəzetinin ekspertlərinin fikrincə, 2030-cu ilə qədər Amerikanın dövlət borcu 50 trilyon dollara qədər arta bilər. Bu, hətta xərclərin azaldılması ilə bağlı yaxınlarda qəbul edilmiş ikitərəfli razılaşma fonunda baş verəcək.

Bu yay milli borc limiti qaldırılmasa və ya dayandırılmasa, ABŞ-ın hesabları ödəmək üçün pulunun tükənməsi riski var idi.

İyunun 3-də ABŞ prezidenti Co Bayden hökumətin borc tavanını 2025-ci il yanvarın 1-dək dayandıran qanunu imzalayıb və hökumətə siyasi baxımdan riskli məsələni 2024-cü ilin noyabrında keçiriləcək prezident seçkilərinə qədər təxirə salmağa icazə verib.

Bayden özü bunun iqtisadi böhranın və real iqtisadi çöküşün qarşısını almağa kömək etdiyini deyib. Siyasətçilər büdcə ilə bağlı razılığa gələ bilməsələr, ABŞ 247 illik tarixində ilk dəfə defoltla üzləşəcəkdi.

Poliqon.info