Ağ Evin yüksək rütbəli rəsmisi ABŞ-ın “General Electric” sənaye korporasiyası tərəfindən Hindistanın “Aeronautics Limited” şirkəti ilə bu ölkədə döyüş təyyarələri üçün F414 reaktiv mühərriklərinin birgə istehsalına dair sazişin imzalandığını təsdiqləyib.
Poliqon xarici mətbuata əsasən xəbər verir ki, müqavilə artıq Konqresin bildirişi ilə təsdiqlənib.
“Birləşmiş Ştatlar və Hindistan "General Electric"in bu ölkədə F414 reaktiv mühərriklərinin birgə istehsalına dair müqaviləni alqışlayırlar. “General Electric” və “Aeronautics Limited” anlaşma memorandumu imzalayıblar və ixrac lisenziyası müqaviləsi Konqresin bildirişi ilə təsdiqlənib”, deyə o jurnalistlərə bildirib.
Administrasiya nümayəndəsinin sözlərinə görə, bu sahədə əməkdaşlıq ABŞ-dan texnologiya transferini genişləndirəcək.
Hindistanda reaktiv qırıcı mühərriklərin istehsalına dair genişmiqyaslı müdafiə sazişi baş naziri Narendra Modi ilə ABŞ prezidenti Co Bayden arasında Vaşinqtonda görüşün əsas müzakirə mövzularından biri hesab olunur. Mənbələrin verdiyi məlumata görə, səfər ərəfəsində Hindistan və ABŞ razılaşmanın təfərrüatları barədə razılığa gəliblər. Müqavilə ABŞ-ın "General Electric" şirkətinə Hindistanın “Tejas Mk-II” yüngül döyüş təyyarələrini gücləndirmək üçün GE-F414 reaktiv mühərriklərini birgə istehsal etmək üçün “Aeronautics Limited” ilə kritik texnologiyanı paylaşmağa imkan verəcək.
Poliqon.info
Digərxəbərlər
Populyar xəbərlər
