ABŞ-da Pentaqondan məlumatların sızmasına görə xarici iz axtarır…

ABŞ-da Pentaqonun məxfi materiallarını sızdırmaqda ittiham olunan Cek Teyşeyranın hər hansı xarici şəxs və ya hökumətlə əlaqəsi olub-olmadığını öyrənməyə çalışır.

Poliqon xəbər verir ki, bu barədə Politico nəşri istintaqla tanış olan mənbələrə istinadən məlumat yayıb.

Mənbələr deyir ki, Ağ Ev və hüquq-mühafizə orqanları Teyşeyranın şəbəkəyə gizli kəşfiyyat məlumatlarının sızdırılmasının arxasındakı motivləri və məqsədləri anlamaq üçün hər hansı xarici əlaqəni araşdırır. Eyni zamanda, bu günə qədər Teyşeyranın belə əlaqələri olduğuna və planlaşdırılan xarici əməliyyatın iştirakçısı olduğuna dair heç bir təkzibedilməz sübut yoxdur.

“Biz hələ də bilmirik ki, bu gənc “Discord” serverindən kənarda kiminlə əlaqə saxlayıb və onun dostları heyran etmək istəyindən başqa məlumat sızdırmaq niyyəti olub, yoxsa yox”, deyə mənbənəşrə bildirib.

Qeyd edək ki, ABŞ Silahlı Qüvvələrinin keçmiş kəşfiyyatçısı Toni Şaffer bildirib ki, təqsirləndirilən Teyşeyranın belə məxfi məlumatlara çıxışı ola bilməz. Bir qayda olaraq, bunun üçün xüsusi kurslardan keçməlisiniz, yalnız bundan sonra hərbçilər məxfi məlumatlara müntəzəm icazə alırlar.

Poliqon.info