"Nemesis" əməliyyatının "qəhrəmanları"na xatirə abidəsinin ucaldılması Ermənistanın və onun rəhbərliyinin rəsmi siyasətini ifadə etmir".
Poliqon "Sputnik Ermənistan"a istinadən xəbər verir ki, bunu Ermənistan parlamentinin spikeri Alen Simonyan Ankarada keçirdiyi brifinqdə deyib.
Ermənistan Milli Assambleyasının sədri Qara Dəniz İqtisadi Əməkdaşlıq Təşkilatına üzv ölkələrin parlament başçılarının Türkiyədə keçirilən sammitində iştirak edir. Rəsmi tədbirlərdən sonra mətbuatla görüşən Simonyan türkiyəli həmkarı ilə abidə mövzusunu müzakirə etdiyini bildirib. Onun sözlərinə görə, memorialın yaradılması yerli hakimiyyət səviyyəsində qərarlaşdırılıb və Simonyan bunun Ermənistan dövlətinin xarici siyasətinin ifadəsi və ya qeyri-dost münasibət kimi qəbul edilməsini istəmir:
"Ermənistan Respublikasında xarici siyasəti Baş nazir və Xarici İşlər Nazirliyi müəyyən edir. Siz hamınız bu səviyyədə verilən qərarların və ya səslənən izahatların şahidisiniz. Biz başa düşməliyik ki, hər zaman baş verən hadisələrə səbəb və ya əsaslar tapa bilərik. Bəlkə mən Türkiyəyə gəlməmək üçün minlərlə səbəb tapa bilərdim. Amma burada mən Türkiyə ictimaiyyətinə Ermənistanın sülhə hazır olduğunu demək istəyirəm”.
Simonyan Türkiyənin xarici işlər nazirinin bəzi açıqlamaları ilə tanış olduğunu bildirib. Erməni siyasətçi əmindir ki, siyasi iradə olarsa, normallaşmaya nail olmaq olar, baxmayaraq ki, bu yol asan olmayacaq.
Qeyd edək ki, aprelin 29-da Ankara "Flyone Armenia" şirkətinə Türkiyə hava məkanı vasitəsilə Avropaya uçuşlar həyata keçirmək üçün əvvəllər verilmiş icazəni ləğv edib. Türkiyənin xarici işlər naziri Mövlud Çavuşoğlu bunu İrəvanda “Nemesis” əməliyyatının "qəhrəmanları"na abidənin açılışı ilə izah edib. Ankara abidənin açılışını “təxribat” adlandırıb.
Poliqon.info
Digərxəbərlər
Populyar xəbərlər
