"Microsoft" tədqiqat qrupu məşhur ChatGPT botunun əsasını təşkil edən GPT-4 dil modelinin imkanlarını nəzərdən keçirən məqalə dərc edib...
Poliqon "Vice" nəşrinə istinadən xəbər verir ki, sənədin təqdimatında neyroşəbəkə “süni ümumi intellekt" (GAI), yəni geniş spektrli tapşırıqları yerinə yetirməyə qadir olan ilk addım adlandırılıb.
"Biz nümayiş etdiririk ki, dil bacarıqlarına əlavə olaraq, GPT-4 riyaziyyat, proqramlaşdırma, tibb, hüquq, psixologiya və sair sahələri əhatə edən daha təkmil və mürəkkəb problemləri heç bir xüsusi göstərişə ehtiyac duymadan həll edə bilər. Üstəlik, bütün bu vəzifələrdə GPT-4-ün performansı insan səviyyəsindəki performansa heyrətamiz dərəcədə yaxındır", deyə məqalədə qeyd edilir.
Məqalə müəllifləri qeyd edirlər ki, GPT-4 sonsuz sayda sadə ədədlərin varlığını şeir şəklində sübut edə və ya təkbuynuz çəkə bilir.
Neyroşəbəkədə hələ də etibarlılığın qiymətləndirilməsi, uzunmüddətli yaddaş, rasionallıq və planlaşdırma ilə bağlı problemlər mövcuddur. Bundan əlavə, GPT-4-də AGI konsepsiyasının bir aspekti olan daxili motivasiya və məqsəd yoxdur.
Hətta GPT-4-ün təqdimatında OpenAI-nin rəhbəri Sem Altman vurğulayıb ki, yeni dil modeli hələ də qeyri-kamil və məhduddur.
Keçən həftə "ən ağıllı" chatbot ChatGPT GPT-4 dil modelinə yenilənib. İndi neyroşəbəkə təkcə mətni deyil, həm də şəkilləri tanıya bilir - hətta memların mənasını izah etməyi bacarır.
Tərtibatçılar iddia edirlər ki, GPT-4 daha “yaradıcıdır” və təkmilləşdirilmiş ümumi biliklər sayəsində mürəkkəb problemləri daha dəqiqliklə həll edə bilir. Bundan əlavə, yenilənmiş ChatGPT riyaziyyat və hüquq fənləri üzrə çətin imtahanları mükəmməl şəkildə verməyi öyrənib.
Yeni model artıq "Microsoft"un Bing axtarış sistemi tərəfindən istifadə olunur və aylıq abunə (20 dollar/ay) olan ChatGPT Plus istifadəçiləri üçün də əlçatandır.
Poliqon.info
Digərxəbərlər
Populyar xəbərlər
