Çin və Avropa İttifaqı bərabər və praqmatik münasibətləri qorumalıdır...
Poliqon xəbər verir ki, bunu bazar ertəsi axşam Pekində Aİ diplomatik missiyasının nümayəndələri və Avropa ölkələrinin diplomatları ilə görüşündə Çinin xarici işlər naziri Van İ bildirib.
“Çin-Aİ münasibətlərinin tarixinə nəzər salsaq, aşağıdakı mühüm dərsləri öyrənə bilərik. Birincisi, qarşılıqlı hörmət qorunmalıdır. Yalnız qarşılıqlı hörmətə riayət etməklə biz bərabərhüquqlu dialoq apara və birlikdə tərəqqiyə nail ola bilərik”, ÇXR-in Xarici İşlər naziri bildirib. Məlumat Nazirliyinin saytında yerləşdirilib.
“Çin və Avropanın beynəlxalq və regional məsələlərə baxışı fərqlidir”, deyən Van İ qeyd edib ki, Çin və Aİ yalnız öz aralarında koordinasiyanı davam etdirdikləri təqdirdə dünyada sabitliyi qoruyub saxlaya və qlobal çağırışlara cavab verə biləcəklər.
Çinli nazirin sözlərinə görə, bu, hər iki tərəfin fundamental və uzunmüddətli maraqlarına uyğundur: “Biz sakit və praqmatik qalmalıyıq”, deyə nazir əlavə edib.
Van İ həmçinin Çin və Aİ üçün strateji düşüncənin vacibliyini qeyd edib:
“Çin Aİ ilə münasibətlərin inkişafına həmişə strateji nöqteyi-nəzərdən baxıb və uzunmüddətli perspektivdə biz Avropa İttifaqına çoxqütblü prosesdə mühüm qütb kimi baxırıq, Avropaya inteqrasiyanı və Avropanın strateji müstəqilliyini dəstəkləyirik”.
Poliqon.info