Ukrayna Rusiya və Belarusa hava tranzitinə qadağa tətbiq etməyi təklif edir

Poliqon Unian nəşrinə istinadən xəbər verir ki, Ukraynanaın Baş nazir Denis Şmıqal hava tranzitinə qadağa qoyulması təşəbbüsü ilə çıxış edib.

“Bizim fikrimiz rus bizneslərinin və rus turistlərinin Aİ səmasından rahat istifadə etmələrinin qarşısını almaqdır. Səma Aİ tərəfindən Rusiya donanması üçün bağlıdır, lakin biz tərəfdaşlarımızla Rusiyaya və Rusiyadan gələn istənilən uçuşlar üçün tranzitin bağlanmasını müzakirə etmişik”, deyə Şmıqal telemarafonda bildirib.

Ukraynanın Baş naziri hesab edir ki, belə bir addım Moskva üçün logistikanı bahalaşdıracaq və ruslar üçün də diskomfort yaradacaq.

Qeyd edək ki, Avropa İttifaqı Rusiyaya qarşı 13 sanksiya paketi təqdim edib. Son siyahıya Rusiyadan 106 fiziki və 88 hüquqi şəxs, habelə Hindistan, Qazaxıstan, Çin, Serbiya, Tailand, Türkiyə və Şri-Lankadan olan şirkətlər daxildir. Həmçinin Aİ 2022-ci ilin fevral ayının sonunda ğz səmasını Rusiya təyyarələri üçün bağlayıb.

Poliqon.info