Ukrayna müharibəsində fasilə ola bilər: Tərəfdaşlarımızın arsenalı tükənmək üzrədir...

"Biz mürəkkəb müharibə ssenarilərinə hazırlaşmalıyıq: o, mərhələlərlə inkişaf edə və orada fasilələr ola bilər".

Poliqon xəbər verir ki, bunu ukraynalı politoloq Vladimir Fesenko deyib.

Politoloq bildirib ki, Ukrayna müharibəsində fasilələr ola bilər və bu "xəyanət" kimi dəyərləndirilməməlidir:

"Biz buna sakit yanaşmalıyıq və xəyanət, təslim olmaq kimi qəbul etməməliyik. Biz sadəcə olaraq, resursları - insan, iqtisadi, maliyyə - bizdən bir neçə dəfə çox olan düşmənlə mübarizə aparırıq. İndi məlum olduğu kimi, tərəfdaşlarımızın arsenalları həm də tükənmək üzrədir. Mövcud müharibədən alınan dərslərdən biri budur ki, Qərbə hərbi sənayeni tez bir zamanda bərpa etmək lazımdır, çünki əks halda təkcə bizim üçün deyil, onlar üçün də problemlər yaranacaq".

Onun sözlərinə görə, vəziyyət mürəkkəbdir və müharibənin uzun sürə biləcəyi artıq göz qabağındadır:

"Bu, ssenarilərdən biridir. Biz uzun müharibəni yalnız müttəfiqlərimizin köməyi ilə davam etdirə bilərik. Əgər yardım resursları azdırsa və ya kifayət etmirsə, o zaman müəyyən fasilə verib, hərbi əməliyyatların dayandırılması ilə bağlı razılığa gəlməli olacağıq. Yəni möhlət nəinki Rusiyaya, bizə də lazım ola bilər".

Fesenko əmindir ki, belə bir ssenari Ukrayna üçün yaxşı olmayacaq, amma ən pisi də deyil:

"Rusların gücünü toplamasının qarşısını almaq üçün bu fasilədən düzgün istifadə etməliyik. Düşmənin mühüm hədəflərini məhv etmək üçün silah və PUA-lardan istifadə etməklə diqqətimizi hərəkətlərimizin effektivliyinə yönəltməliyik. Qəribədir ki, biz sadəcə olaraq sevinirik, əslində Moskvada heç bir faydası olmayan PUA-ları işə salırıq. Biz sadəcə qorxutmaq üçün yüz minlərlə dollar xərcləyirik? Bu, effektli yox, şoumenlikdir".

Poliqon.info