Türkiyədə təhlükəli eniş edən təyyarədə Azərbaycan vətəndaşı da olub...
İstanbul Sabiha Gökçen Hava limanına sərt eniş edərək 3 hissəyə parçalanan "Boeing 737-800" tipi sərnişin təyyarəsinin sərnişinləri arasında bir Azərbaycan vətəndaşı da olub.
APA-nın Türkiyə bürosunun xəbərinə görə, bu barədə NTV televiziyası məlumat yayıb.
Bildirlib ki, təyyarədəki 171 sərnişinin çoxu Türkiyə vətəndaşıdır. Sərnişinlər arasında həmçinin 4 ABŞ, 1 Azərbaycan, 1 Türkmənistan, 1 Qazaxıstan vətəndaşı olub.
Qeyd edək ki, bu gün İzmir-İstanbul reysini həyata keçirən "Pegasus" Hava Yollarına məxsus sərnişin təyyarəsi Sabiha Gökçen hava limanına enərkən uçuş zolağından çıxaraq yolun kənarına yuvarlanıb.
Üç hissələrə bölünən təyyarədə 171 sərnişin, 6 ekipaj üzvü olub, 21 nəfər yaralanıb.
pia.az