Tramp: ABŞ cəhənnəmə gedir, amma seçkidə qalib gəlsəm ölkəni xilas etməyə hazıram...
ABŞ-ın keçmiş prezidenti Donald Tramp ölkənin cəhənnəmə doğru sürükləndiyini, lakin 2024-cü ildə prezident seçiləcəyi təqdirdə onu xilas etməyə hazır olduğunu bildirib.
Poliqon xəbər verir ki, sabiq prezident bu barədə “SiriuxXM” radiosuna müsahibəsində danışıb.
“Ölkəmiz cəhənnəmə sürüklənir. İnanıram ki, ölkənin son şansı var. Bu, indiyə qədər keçirdiyimiz ən mühüm seçkidir. Ölkəmiz məhv edilir və mən bunu çox tez dəyişə bilərəm və ABŞ-ı xilas edə bilərəm”, deyə eks-prezident müsahibəsində bildirib.
Tramp ona qarşı irəli sürülən ittihamlardan və həbsdən qorxmadığını da qeyd edib. Siyasətçi istənilən şəraitdə 2024-cü ildə keçiriləcək prezident seçkilərində iştirak etməyə hazır olduğunu bildirib.
Poliqon.info