2023-cü ilin aprelində İranla diplomatik münasibətlərin bərpasından sonra Səudiyyə Ərəbistanı Suriyanın Ərəb Liqasına qaytarılmasına yaşıl işıq yandırmaq qərarına gəlib...
Poliqon xarici mətbuata əsasən xəbər verir ki, Krallığın Xarici İşlər Nazirliyinin mayın 9-da yaydığı məlumata görə, Səudiyyə Ərəbistanı ərəb dövlətlərinin Suriyanın Ərəb Dövlətləri Liqasında iştirakını bərpa etmək qərarından sonra Dəməşqdəki səfirliyinin işini bərpa edəcək.
Qeyd edək ki, mayın 7-də Qahirədə bir sıra ərəb xarici işlər nazirliklərinin rəhbərlərinin görüşü baş tutub. İclasda Suriyanın Ərəb Liqasına üzvlüyünün bərpası qərara alınıb.
Xatırladaq ki, Ərəb dövlətləri 2011-ci ildə hakimiyyətin etirazçılara qarşı siyasətinə etiraz edərək, Suriya hakimiyyətinin bu pan-ərəb təşkilatının işində iştirakını dayandırmaq qərarına gəliblər.
2023-cü ilin aprelində İranla diplomatik münasibətlərin bərpasından sonra Səudiyyə Ərəbistanı Suriyanın Ərəb Liqasına qaytarılmasına yaşıl işıq yandırmaq qərarına gəlib və bir sıra ərəb ölkələrinin xarici işlər nazirlərinin Suriya məsələsi ilə bağlı Ciddədə keçirilən iclasında bildirib ki, Ərəb ölkələri Suriya nizamlanmasında böyük rol oynamalıdır.
Poliqon.info