Səudiyyə Ərəbistanın qoşunları yüksək hazırlıq vəziyyətinə gətirilib

Poliqon xəbər verir ki, bu barədə mənbələr Bloomberg Agentliyinə bildiriblər. Agentlik qüyd edir ki, toqquşmalar üsyançıların oktyabrın 19-da İsrailə qanadlı raketlər və pilotsuz təyyarələr atmasından sonra başlayıb.

Bloomberg mənbələri bildiriblər ki, Yəmənlə sərhəddə yerləşən Cizan əyalətində husi qüvvələri ilə döyüşlərdə dörd Səudiyyə Ərəbistanı əsgəri həlak olub. Bundan əlavə, Səudiyyə Ərəbistanının hava hücumundan müdafiə qüvvələri husilərin atdığı raketi ələ keçirib.

Agentliyin məlumatına görə, Səudiyyə Ərəbistanının müdafiə naziri Xalid bin Salman Vaşinqtonda Yəməndəki vəziyyəti və İsraillə HƏMAS arasında müharibənin nəticələrini müzakirə etməyi planlaşdırır. Səudiyyə hökuməti və husilər Bloomberg-in sorğularına cavab verməyib.

Qeyd edək ki, Yəməndə hökumət qüvvələri ilə “Ənsar Allah” tərəfdarları arasında qarşıdurma 2014-cü ildən davam edir. 2022-ci ilin aprelində tərəflər barışıq əldə ediblər. Oktyabrın 2-də atəşkəsin müddəti başa çatıb.

Poliqon.info