Çili məhkəməsi şair Pablo Nerudanın ölümü ilə bağlı istintaqın yenidən başlaması barədə qərar çıxarıb...
Santyaqo apellyasiya məhkəməsi çilili şair və Nobel mükafatı laureatı Pablo Nerudanın ölüm səbəbləri ilə bağlı təhqiqatı yenidən başlamaq qərarına gəlib.
Poliqon xəbər veir ki, bu barədə Reuters Agentliyi məhkəmənin qərarına istinadən məlumat yayıb. Qqeyd edək ki, Pablo Neruda 1973-cü ildə vəfat edib.
Məhkəmə Pablo Nerudanın yaxınlarının ifadəsini nəzərə alıb. Qətnamədə bildirilir ki, ölümün səbəbləri ilə bağlı aparılan araşdırmalar “hərtərəfli və inandırıcı nəticələr vermir”, ona görə də “faktları dəqiqliklə aydınlaşdırmaq” üçün təfərrüatları öyrənmək lazımdır.
Pablo Neruda 23 sentyabr 1973-cü ildə vəfat edib. Bundan bir qədər əvvəl ona prostat xərçəngi diaqnozu qoyuldu. 2017-ci ildə bir qrup xarici məhkəmə eksperti şairin Avqusto Pinoçetin göstərişi ilə zəhərlənə biləcəyini irəli sürüb.
Şairin bacısı oğlunun bildirib ki, 2023-cü ilin fevralında beynəlxalq komissiya Pablo Nerudanın bədənində Clostridium botulinum bakteriyasının tapıldığı qənaətinə gəlib. Komissiyanın nəticələri rəsmən açıqlanmasa da, məhkəməyə təqdim edilib.
Pablo Neruda 1971-ci ildə Ədəbiyyat üzrə Nobel Mükafatını və 1950-ci ildə Beynəlxalq Sülh Mükafatını alıb. O, siyasi fəaliyyətlə də məşğul olub və Çili Kommunist Partiyasının üzvü olub. 1969-cu ildə partiya onu respublika prezidenti vəzifəsinə namizəd kimi irəli sürüb, lakin o, seçkilərdən geri çəkilib.
Poliqon.info