Ermənistanın təhlükəsizliyi, o cümlədən hərbi-texniki sahədə Kollektiv Təhlükəsizlik Müqaviləsi Təşkilatında (KTMT) əməkdaşlıq olmadan mümkün deyil...
Poliqon xəbər verir ki, bunu "RİA Novosti" Agentliyinə müsahibəsində Rusiya Xarici İşlər Nazirliyinin KTMT məsələləri üzrə xüsusi tapşırıqlar üzrə səfiri Viktor Vasilyev deyib.
Diplomatın sözlərinə görə, Rusiya Qərbin Ermənistandakı vəziyyətdən təkcə orada deyil, bütün Qafqazda vəziyyəti gərginləşdirmək üçün istifadə etmək cəhdlərini görür.
Səfir əlavə edib ki, Ermənistan tərəfinin diqqətini Qərb dövlətlərinin belə siyasətinə yönəltmək üçün KTMT çərçivəsində müzakirələr aparılır.
Qeyd edək ki, Ermənistan Rusiyanın KTMT-də müttəfiqidir. KTMT 1992-ci il Daşkənd Kollektiv Təhlükəsizlik Müqaviləsi əsasında 2002-ci ildə yaradılıb. Təşkilata altı dövlət daxildir: Rusiya, Belarus, Ermənistan, Tacikistan, Qazaxıstan və Qırğızıstan. Təşkilatın 17-22 min nəfərdən ibarət Kollektiv Çevik Hərəkət Qüvvələri (CRRF) və 5 min nəfərdən ibarət Kollektiv Çevik Yerləşdirmə Qüvvələri (CRDF) var.
Poliqon.info
Digərxəbərlər
Populyar xəbərlər
