Moskva Qəzza zolağında xəstəxanaya hücumu nəzərə alaraq humanitar dəhlizlərin açılmasını zəruri hesab edir...
APA-nın Moskva müxbiri xəbər verir ki, bu barədə Rusiya Xarici İşlər Nazirliyinin yaydığı bəyanatda bildirilib.
Qeyd olunub ki, Rusiya təcili atəşkəs və humanitar dəhlizlərin açılması maraqları naminə beynəlxalq səylərin birləşdirilməsinin zəruriliyini vurğulayır.
“Bu, Qəzza əhalisinə lazımi yardımın göstərilməsinə, o cümlədən ərzaq, dərman və yanacaq çatdırılması, insanların təxliyəsinin təşkilinə və gözlənilən humanitar fəlakətin dayandırılmasına imkan verəcək. Biz bu mövzunu siyasiləşdirmək cəhdlərinin yersizliyinə və mənəviyyatsızlığına diqqət çəkirik. BMT Təhlükəsizlik Şurasında müvafiq təşəbbüslərə baxılarkən, ilk növbədə, münaqişə zonasında əziyyət çəkən insanların maraqlarını rəhbər tutmağa çağırırıq", -deyə Rusiya xarici siyasət idarəsinin bəyanatında bildirilib.
Poliqon.info