Rusiya iri şirkətlərin mənfəətinə vergi tətbiq edib və oliqarxlardan 3,6 milyard dollar yığacağı gözlənilir…
Poliqon xəbər verir ki, bu barədə Financial Times nəşrinin məlumatında bildirilir.
Nəşr yazır ki, çərşənbə axşamı təqdim edilən qanun layihəsində 2021-ci ildən bəri 1 milyard rubldan çox mənfəət əldə etmiş şirkətlərin mənfəətlıərindən 10%-ə qədər birdəfəlik vergi ödəməyi tələb etmək nəzərdə tutulur. Bu, Qərbin sanksiyaları səbəbindən neft gəlirlərinin azalması və Ukraynadakı münaqişə səbəbindən müdafiə xərclərinin artırılmasından sonra Kremlin büdcənin icrasını gücləndirməyə yönəlmiş tədbirlərin bir hissəsidir.
FT yazır ki, birdəfəlik vergidən gələn pul müharibəni maliyyələşdirmək üçün istifadə olunmasa da, bu, hökumətin iqtisadiyyat üzərində artan nəzarətinin göstəricisidir.
Bu planların hərəkətverici qüvvəsi Andrey Belousov bildirib ki, rus oliqarxları könüllü olaraq “vətənpərvər” jest etməyə, qazanclarını bir hissəsini büdcəyə təhvil verməyə razılaşıblar. Nəşr qeyd edir ki, bununla belə, bu addım oliqarxlar arasında mübahisələrə səbəb olub, çünki bunun ən çox polad və gübrə sənayesinə, eləcə də dövlətə məxsus Sberbanka zərbə vuracağı gözlənilir.
Maliyyə naziri Anton Siluanov isə bildirib ki, oliqarxlardan tutulan birdəfəlik vergi gəlirləri uşaqlı ailələrə və digər sosial ödənişlərə yönəldiləcək.
Poliqon.info
Digərxəbərlər
Populyar xəbərlər
