Putin müharibə qərarını nə vaxt verib? - Detallar açıqlandı...

Poliqon Rusiyanın Verstka.media-ya istinadən xəbər verir ki, müharibədən 3 ay əvvəl Kreml artıq Ukraynanı “bölüb”.

Genişmiqyaslı müharibəyə hazırlıq ən ciddi məxfi şəraitdə aparılıb.

2022-ci il iyulun 12-də Kremlin saytında Putinin “ruslar və ukraynalıların tarixi birliyi haqqında” məqaləsi dərc olunub. KİV-in məlumatına görə, onun mətni dəfələrlə dəyişib və variantlardan birində müharibənin başlanması ehtimalı ilə bağlı birbaşa işarə olub. Təhdid son versiyadan silinib.

Nəşrin mənbələrinin bildirdiyinə görə, müharibədən 3 ay əvvəl ruslar artıq Ukraynanı iri korporasiyalar arasında necə bölüşdürəcəklərini müzakirə edirdilər. İdeyaya görə, Kremlə yaxın dövlət və ya özəl korporasiyalardan biri hər bir regionun inkişafına cavabdeh olmalı idi. Putinə yaxın 3 mənbə təsdiqləyib ki, Rusiya prezidentinin işğal qərarında “son damla” onun xaç atası Viktor Medvedçukun kanallarına qarşı sanksiyalar olub.

Eyni zamanda, Putinin özü də işğalla bağlı Medvedçukla məsləhətləşməyib. Putinlə daimi əlaqəsi olan yeganə şəxs onun dostu Yuri Kovalçuk olub. İki mənbə təsdiqləyir ki, məhz o, Rusiya Federasiyası prezidentinin qərarında həlledici rol oynayıb. Pandemiya zamanı yalnız Kovalçuk karantinə düşməmək üçün Putinin iqamətgahını tərk etməyib.

Eyni zamanda, müdafiə naziri Sergey Şoyqu Putinin qərarı ilə "mübahisə etməyib, hətta sevinib". Digər elitalar artıq işğal günü bu faktla üzləşmişdilər.

Poliqon.info