Rusiya prezidentinin mətbuat katibi Dmitri Peskov bildirib ki, dövlətin növbəti rəhbəri Vladimir Putinlə eyni olmalıdır...
Poliqon xəbər verir ki, o, bu barədə "MGIMO 360" tələbə xəbər kanalına müsahibəsində bildirib.
"Vladimir Putindən sonra ölkə rəhbəri necə olmalıdır" sualına Peskov qısaca olaraq "Eyni" cavabını verib. Bunun mümkün olub-olmadığını soruşduqda, mətbuat kativi növbəti prezidentin Putinlə "fərqli, lakin eyni" ola biləcəyinə aydınlıq gətirib.
"Putin hələ ki, namizədliyini irəli sürmək niyyətini açıqlamayıb, amma mən onun bunu edəcəyinə ürəkdən inanmaq istəyirəm. Onun seçkidə qalib gələcəyinə şübhəm yoxdur. Putinin bundan sonra da prezidentimiz olacağına şübhəm yoxdur", deyə Peskov bildirib.
Noyabrın 6-da "Reuters" mənbələrə istinadən bildirib ki, Putin 2030-cu ilə qədər hakimiyyətdə qalmağa imkan verəcək martda keçiriləcək prezident seçkilərində iştirak etmək qərarına gəlib.
Agentliyin mənbələri iddia edir ki, Putinin qərarı ilə bağlı xəbərlər artıq sızıb və onun müşavirləri hazırda seçki kampaniyasına və Rusiyanın hazırkı prezidentinin seçilməsinə hazırlaşır. "Reuters"in məlumatına görə, bunun bir işarəsi bir neçə həftə ərzində görünməlidir.
Lakin daha sonra Peskov vurğulayıb ki, Putinin seçki kampaniyasının başlanması hələ rəsmi olaraq elan olunmayıb.
Poliqon.info