Son günlər ölkədə koronavirusa yoluxanların sayında artım müşahidə olunmaqdadır. Son bir həftədir ki, yoluxanların sayı 300-400 arasında dəyişir. Yalnız bu günə olan rəsmi məlumata görə, son sutkada yoluxma sayı 297 nəfər olub, 3 nəfər isə virusdan dünyasını dəyişib.
Koronavirusa yeni yoluxanlar arasında AXP lideri, sabiq baş nazir Pənah Hüseyn və “Yeni Müsavat” qəzetinin əməkdaşı Məhəmməd Türkmən də var.
Bəs hazırda onların vəziyyət necədir, müalicələrini hansı şəraitdə alırlar?
Məsələ ilə bağlı AXP lideri, sabiq Baş nazir Pənah Hüseynin rəyini almağa çalışsaq da, telefon zənglərimiz cavabsız qaldı. Oğlu Vaqif Hüseyn saytımıza açıqlama verərək, bildirdi ki, hazırda atası ev şəraitində müalicə alır, vəziyyəti stabildir.
Vaqif Hüseyn
“Yeni Müsavat” qəzetinin əməkdaşı Məhəmməd Türkmən isə qeyd etdi ki, koronavirus testi pozitiv çıxan gündən xəstəxanada müalicə alır: “Artıq iki gündür ki, “Yeni Klinika”da müalicə alıram. Burada müalicəm yaxşı gedir. Ən azından evdə olanda çox gərgin olurdum. Boğulmalar mənə əlavə problemlər yaradır, təzyiqimə təsir edirdi. Lakin burada qismən rahatam. Xəstəxanaya yerləşdirildiyim gündən tibbi personal mənə hər cür qayğı göstərir. Daim nəzarət altındayam, hər gün müayinələr aparılır, vaxtlı vaxıtnda dərmanları qəbul edirəm. Hazırda dad bilməm yoxdur, yəqin ki, bu hələ bir müddət bərpa olnmayacaq.Həkimin dediyinə görə yaxlın vaxtlarda sağalacam, lakin konkret tarix deyilmir”.
Məhəmməd Türkmən
Qeyd edək ki, Azərbaycanda indiyədək ümumilikdə 237 260 nəfərin koronavirus infeksiyasına yoluxması faktı müəyyən edilib, onlardan 229 915 nəfər müalicə olunaraq sağalıb, 3 250 nəfər vəfat edib. Hazırda 4 095 aktiv xəstə var.
pia.az
Digərxəbərlər
Populyar xəbərlər
