Belarus Prezidenti Aleksandr Lukaşenko Moldova xalqını Müstəqillik Günü münasibətilə təbrik edərək qeyd edib ki, çoxillik dostlar arasında qarşılıqlı hörmət əsasında dialoq müasir çağırışların öhdəsindən gəlməyə kömək etməlidir...
Poliqon xəbər verir ki, nu barədə Belarus prezidentinin mətbuat xidməti məlumat yayıb.
“Minsk Kişinyovu həmişə etibarlı tərəfdaş hesab edib və konstruktiv əməkdaşlığı bərpa etməyə hazırdır. Yalnız köhnə dostlar və qonşular arasında bərabər və hörmətli dialoq müasir çağırışların öhdəsindən gəlməyə kömək edə bilər”, deyə Lukaşenko təbrikində qeyd edib.
Belarus prezidenti iki ölkənin xalqlarını ümumi mənəvi-əxlaqi dəyərlərə, mədəni ənənələrə, ortaq qəhrəmanlıq keçmişinə əsaslanan möhkəm uzunmüddətli dostluq telləri ilə birləşdirdiyini vurğulayıb.
“2024-cü ildə hər iki ölkə faşizmdən azad olunmasının 80 illiyini qeyd edəcək. Belarusda Böyük Vətən Müharibəsi illərində Belarus torpağının azadlığı uğrunda həlak olmuş Moldova sakinlərinin xatirəsini diqqətlə qoruyurlar”, deyə Belarus dövlətinin başçısı bildirib.
Belarus Prezidenti bütün Moldova vətəndaşlarına dinc səma, sabitlik və gələcəyə inam arzulayıb.
Poliqon.info