İş adamı İlon Mask Makronu Pavel Durovun həbsi ilə bağlı izahat verməyə çağırıb...
Amerikalı iş adamı və sahibkar İlon Mask Fransa prezidenti Emmanuel Makrona müraciət edərək Telegram-ın yaradıcısı Pavel Durovun həbsinin səbəblərini izah etməyə çağırıb.
Poliqon xəbər verir ki, İlon Mask bu barədə o, X sosial şəbəkəsində yazıb.
“Dünya ictimaiyyətinin onun niyə həbs edildiyi barədə daha ətraflı məlumat əldə etməsi faydalı olardı”, deyə biznesmen Durovun saxlanması ilə bağlı Makronun paylaşının altında yazıb.
Qeyd edək ki, Fransa prezidenti X sosial şəbəkəsində yazıb ki, təhlükəsizlik qüvvələrinin Telegram-ın qurucusu Pavel Durovu həbs etmək qərarı siyasi motivlərlə diktə olunmayıb.
Durov avqustun 24-də axşam Fransanın Le Burje hava limanında şəxsi təyyarədən enərkən saxlanılıb. Milyarder Fransaya Azərbaycandan uçub.
Fransa polisi Reuters Agentliyinə bildirib ki, Pavel Durov Telegram-da kiber və maliyyə cinayətləri məsələlərində əməkdaşlıqdan imtina etməkdə ittiham olunur. Durovun işi kibercinayətkarlıq və fırıldaqçılıqla mübarizə üzrə milli departamentlər tərəfindən araşdırılır.
Poliqon.info