Gürcüstanın baş naziri Ukraynadakı münaqişənin nə zaman bitəcəyini açıqlayıb

Ukraynadakı münaqişə gələn il başa çatacaq və bundan sonra Gürcüstanla ABŞ arasında münasibətlər yenidən bərpa olunacaq.

Poliqon xəbər verir ki, bunu Gürcüstan hökumətinin başçısı İrakli Kobaxidze “İmedi” telekanalına müsahibəsində bildirib.

Baş nazir hərbi əməliyyatların 2025-ci ildə başa çatacağından əminliyini ifadə edib. Siyasətçi vurğulayıb ki, münaqişə başa çatdıqdan sonra Gürcüstan hakimiyyəti üçün Vaşinqtonda istər demokrat, istərsə də respublikaçı administrasiya ilə münasibətləri bərpa etmək daha asan olacaq.

Kobaxidze qeyd edib ki, gürcü-amerikan münasibətlərinin yenilənməsi ABŞ hökumətinin əlindədir və Tbilisi Vaşinqtondan qarşılıqlı addımlar gözləyir.

Poliqon.info