Qaluzin: Prezident seçkilərindən sonra ABŞ-ın Ukrayna ilə bağlı mövqeyi dəyişməyəcək...
Rusiya xarici işlər nazirinin müavini Mixail Qaluzin ABŞ-da keçirilən prezident seçkilərindən sonra Vaşinqtonun Ukrayna münaqişəsindəki mövqeyində əsaslı dəyişiklik ehtimalının az olduğunu bildirib.
Poliqon xəbər verir ki, bu barədə “RİA Novosti” Agentliyi məlumat yayıb.
Diplomatın fikrincə, Ukraynanın əsl sahibi Vaşinqtondur. Qaluzin vurğulayıb ki, ABŞ münaqişənin əsas layihəçisi və benefisiarıdır.
Rusiya xarici işlər nazirinin müavini qeyd edib ki, Amerika tərəfi öz eqoist maraqlarını gizlətmir. Bunun təsdiqi kimi o, ABŞ dövlət katibi Entoni Blinkenin Kiyevə ayrılan yeni hərbi yardımın demək olar ki, tamamilə Amerika sənayesinə yatırılacağı ilə bağlı sözlərini misal çəkib.
Bu baxımdan, diplomat vurğulayıb ki, ABŞ-da keçirilən prezident seçkilərindən sonra Vaşinqtonun mövqeyinin əsaslı şəkildə dəyişməsi mümkün deyil. Qaluzinə görə, bu səbəbdən Kiyevin danışıqlara hazır olacağını gözləmək lazım deyil.
Poliqon.info